PERPETUAL PEACE PROJECT

Umushinga Perpetual Peace Project washinzwe bigendeye ku myumvire yuko nta muntu cg ikigo gishobora kwemeza ko kizi neza icyo ari cyo amahoro.

Muri iki gihe, kimwe no mu gihe cya Immanuel Kant(1724-1804),igitekerezo cy’amahoro ntikirasobanuka kandi gikomeje kubonwa nk’ikinyuranyo cy’intambara. Umushinga wacu ushobora gusobanuka binyujijwe mu gitekerezo cya Kant cyo “kwamamaza”; ubwinshi bw’imyumvire y’iryo jambo budufasha kwerekeza ibiganiro mu byerekezo bitandukanye bifite n’imyumvire itandukanye.

Uyu mushinga utangira wumvikanisha ko igitekerezo cy’amahoro kidashobora gusobanurwa binyujijwe mu muco no muri politiki. Intego y’uyu mushinga ni ukwiga no gusesengura igitekerezo cy’amahoro, uhereye ku myumvire ko nta rurimi rusange rushobora gukoreshwa nk’ururimi fatizo muri icyo kiganiro cy’amahoro. Ku bwizo mpamvu umushinga wacu ufite ingamba uhereye mu bigo bitandukanye,zo gushyiraho uburyo bwo kwongera kwibaza ku gitekerezo cy’amahoro.

Intego z’umushinga ntago ari ugushyiraho amategeko ngenderwaho, ahubwo gutekereza ku mushinga w’amahoro no kwibaza k’uburyo ushobora kugerwaho.Umushinga wacu ntushobora kugerwaho mu buryo bwo gushaka kubona igisobanuro nyacyo, ahubwo buri gisobanuro kigomba kugirana isano n’abantu runaka ndetse n’imigenzereze y’umuco. Ijambo amahoro riganirwaho mu buryo butandukanye bitewe n’abantu batandukanye ndetse n’uburyo babayeho. Mu yandi magambo, ibice bitandukanye by’ibi biganiro n’ imitunganirize yabyo biduha igitekerezo rusange mbere yuko biba.

Ibitekerezo bitandukanye twumvise muri uyu mushinga ku murongo w’ikoranabuhanga wa interineti, mu imurikabikorwa, mu biganiro nyunguranabitekerezo,  byatanze undi mwanya w’ibisobanuro bishoboka. Ibitekerezo  ntibyari bitegerejweho ibisobanuro byimbitse ku  muco w’amahoro ahubwo kugaragariza abitabiriye imurika n’abandi uburyo bwo gusobanura no gusemura amahoro ubwayo.  Uruhare rwa buri wese  rurakenewe muri icyo kiganiro kuko nta muntu wemezako afite ubumenyi buhagije bwerekeye ku gitekerezo  cy’amahoro.